Güei vieno al colexu Carlos Alba con "ECOLOCUENTOS" una hestoria qu'asocede nun pueblu que decide vender el monte centenariu que lu arredola por cuenta de la crisis económica que los afuega. Sicasí los neños y neñes nun quieren. Finalmente toos afayen qu'ensin monte nun habría cuentos, y atopen una manera alternativa, y sorprendente, de sacar dineru pa nun tener que vender nada. A cuenta de esti filu conductor afilvánense hestories sobre la naturaleza y el respetu, cuntaes por un xuglar errante.
Basáu en cuentos tradicionales d'Africa, Persia, narraciones de Miss Florence Holbroock (del llibro “Mitoloxía de la naturaleza”) y de N. Willer (“Contes d´ailleurs et d´autrefois”). Con una dramaturxa inspirada na novela corta “El magu de Sacramentu”, de Mischa Damjam.
L'actividá concediónosla Conseyería d'Educación que nos la ufiertó dientro del programa Axenda Didáctica pa los escolinos y escolines d'asturianu.
